PNoy, kinumpronta ang China sa East Asia Summit
Kinumpronta ni Pangulong Noynoy Aquino ang China sa patuloy na mga aktibidad sa West Philippine Sea.
Kasabay ng ginanap na East Asia Summit bilang sidelines ng 27th ASEAN Summit sa Kuala Lumpur, Malaysia, tahasang pinuna ni Pangulong Aquino ang China sa pagbaliwala nito sa international law kaugnay ng mga reclaimation activities sa pinag-aagawang teritoryo.
"It is regrettable that China continues to massively reclaim and build structures in the sea known by many names, in total disregard of international law as well as the Declaration on the Conduct of Parties in the South China Sea," ani Aquino.
Tinukoy pa ni Aquino ang mga pagmamalupit ng China laban sa mga aktibidad na isinagawa ng Pilipinas sa teritoryo.
"During my watch, among the first incidents as regards the maritime issue involved a survey ship conducting studies arising from a service contract we awarded. It was forced out of the Reed Bank, in an area 80 miles from the island of Palawan, which is thus clearly within our Exclusive Economic Zone," dagdag pa ni Aquino.
Hindi rin pinalampas ng pangulo ang pangungulimbat ng Chinese fishing boats ng mga yamang dagat mula sa loob ng exclusive economic zone.
"Later, Chinese fishing boats were caught carrying species covered by the Convention on International Trade in Endangered Species, 120 miles from Masinloc, Zambales -- again within our Exclusive Economic Zone," banat pa ng pangulo.
Umaasa si Aquino na tatalima na sa international law ang China ngayong maraming bansa na ang bumabatikos sa mga aktibidad nito sa West Philippine Sea kabilang na ang Estados Unidos.